Mga sakyanan sa barangay na-clamp

CEBU, Philippines — Ang Cebu City Transportation Office (CCTO) nanawagan karon ngadto sa mga barangay nga unta mahimong ehemplo sa pagpatuman sa kampaniya sa batok sa illegal parking.

Kini human nabantayan nga duna gihapoy pipila ka barangay vehicles ang ipataka lang og parking.

Si John Paul Amores, information officer sa CCTO nibutyag nga sa niaging semana aduna silay na-clamp nga barangay vehicles , tulo niini sa Barangay Tejero , laing tulo sa Barangay Tinago  ug  lima sa Barangay T. Padilla.

Ang CCTO nanghinaot nga mo kooperar ang mga barangay sa kampaniya sa Department of Interior and Local Government kalabot sa pagtangtang sa mga nakabalda diha sa kadalanan.

Matud ni Amores nga walay exempted sa mga sakyanan nga i-clamp kong gipataka kini og parking.

Sa niaging gabii, laing 90 ka pribadong  sakyanan ang gi-clamp sa CCTO tungod kay gipataka kini og parking diha sa kadalanan sa Zapatera, V. Sotto ,  Rahman, J.L Briones, Jumabon, Arellano Blvd. ug uban pa. —BDB (BANATNEWS)