Vaccination program sa siyudad gipangandaman na

CEBU, Philippines — Gipahibalo ni Mayor Edgar Labella nga gisugdan na sa Siyudad sa Sugbo ang lapad nga preparasyon sa vaccination program.

Gibisita na sa city government ang posibleng storage facility niini, ug sugdan na usab nila paghan-ay ang magsilbing vaccination centers ingon man usab ang listahan sa priorities alang sa vaccine.

Matud pa ni Labella nga nagsugod na og negosasyon ang siyudad ngadto sa AztraZeneca ug Moderna.

Makuting pagtuon ang gibuhat usab sa Cebu City Vaccine Advisory Board aron maseguro nga han-ay ang sistema sa higayon nga masugdan na ang pag pamakuna.

Nasayran nga usa sa angayan nga ikonsiderar mao nga ang napiling storage facility nga   mahaom gyud sa vaccine.

Gawas sa facility, giseguro usab sa vaccine board ang han-ay nga pag-transport, packaging ug uban pa nga kinhanglanon sa logistics.

kahinumduman gipadayag sa mayor  nga ang mga medical frontliners maoy usa sa hatagan og prayoridad alang sa COVID-19 vaccination.

Nalakip usab sa listahan sa mga prayoridad mao ang mga sundawo, kapolisan, senior citizens ug kadtong mga kabus kaayo nga molupyo.

Giingong dili kini pinugsanay ug alang kini sa mga interesado lang nga magpabakuna.

 Pasiunang target nga bakunahan mao ang 70 porsyento sa populasyon sa siyudad gamit ang gigahin nga P500 milyones nga pundo.

 Una nga gibutyag sa pangu sa Cebu City Health Department nga si Dr. Jeffrey Ibones

nga nikuha gyud sila og opinyon gikan sa pipila ka pribadong sectors, specialists, epidemiologists,  ug uban  pa aron makatabang sa pagiya kanila sa pagpili og vaccine.

Dugang pa ni Ibones nga ang pagpamakuna adto ra gyud ipahigayon sa health centers o ubang health facilities ug kini pinasubay sa rekomendasyon sa Department of Health. – MEL (BANATNEWS)