Polis nga gipusil patay na-dismissed na sa serbisyo
CEBU, Philippines Ang kapolisan sa Dakbayan sa Sugbo padayon kining nanghipos og mga impormasyon kabahin sa pagpusil patay kang kanhi Police Corporal Rodel Demaangay.—
Ang maong insidente nahitabo niadtong Lunes sa hapon diha sa Sitio Blis, Barangay Labangon, Dakbayan sa Sugbo.
Matud ni Police Lieutenant Colonel Wilbert Parilla, deputy director for operations nga padayon ang ilang paghipos karon og impormasyon.
Giingong ang duha ka kriminal nga nipusil patay sa biktima pareho kining nagsul-ob og helmet.
Si Parilla nagkanayon nga ilang gilantaw karon ang tanang mga motibo ilabi na kalabotan sa kanhi trabaho niini isip polis. Ang bikima giingong na-dismissed kini sa iyang serbisyo didto sa Police Regional Office Bangsamoro Autonomous Region (PRO BAR) niadtong buwan sa Hunyo, 2020 tungod sa three counts nga kasong administratiba ug three counts sa kasong grave misconduct matud Parilla kini base sa dokumento nga ilang gihuptan.
Ang biktima kanhi nadestino kini sa Sugbo ug giingong gibalhin ngadto sa lain-laing lugar human nigawas ang pangalan niini nga nalambigit sa dili maayo nga buhat.
Matud usab ni Parilla nga sa ilang nahipos nga report giingong nalambigit ang biktima sa ilegal nga drugas diin na-intercept kini sa mga sakop sa Counter Intelligence Task Force. Gibutyag ni Parilla nga ang ubang mga kasayoran nga ilahang nakuha atol sa ilang mga operason nga ipahigayon batok sa ilegal nga drugas diin giingong mogawas ang pangalan sa biktima.
Ang IDMB ug Labangon Police Station maoy gitahasan karon nga mohimo sa imbestigasyon.
Susihon usab sa kapolisan ang armas nga nasakmit gikan sa biktima ug kong masayran nga isyu kini gikan sa PRO BAR ilaha kining iturn-over ngadto sa maong police unit. —BDB (BANATNEWS)
- Latest