Kaso sa dengue sa Sugbo ningminus sa tuig 2020
CEBU, Philippines — Moabot ngadto sa 3, 372 ang natala nga kaso sa dengue sa Probinsya sa Sugbo sa tibuok tuig 2020 base sa datus sa Provincial Health Office.
Sa maong mga kaso, 19 ang namatay dengue sa niaging tuig.
Ang gidaghanon sa mga kaso sa dengue sa 2020 mas ubos kon itandi sa tuig 2019 kon diin nisaka ngadto sa 10, 656 ang natala nga kaso gikan Enero 1 hangtud Disyembre 2019.
Matod ni Dr. Christina Giango ang pangulo sa PHO nga mas ubos ang kaso nga natala sa dengue sa niaging tuig kon itandi sa 2019 " tungod sa pandemic nga more sila focus sa covid ang reporting and usa sad nga nabantayan sa DOH nga every three years na siya mosaka".
Ang tuig 2019 mao nay ika tulo nga tuig sukad nga nakatala og grabe usab kataas nga kaso sa dengue sa Probinsya niadtong 2016 nga niabot og dul-an 9mil ang kaso nga natala sa Probinsya sa Sugbo. —MEL (BANATNEWS)
- Latest