Di ibalik sa GCQ bisan sa mga kaso

CEBU, Philippines — Bisan sa nagpadayong pagsaka sa mga kaso Covid 19 sa Dakbayan sa Cebu, ang Deputy chief implementer sa Emergency Operations Center, Konsehal sa Joel Garganera miingon nga dili kini interesadong morekomenda nga ipaubos sa General Community Quarantine ang dakbayan sa pagkakaron.

“Dili ko gusto nga mobalik sa GCQ (General Community Quarantine),” matud pang Garganera sa Banat News.

Base sa bulletin sa Department of Health-VII kaniadtong Enero 23, ang Dakbayan sa Cebu adunay 845 ka aktibong kaso karon samtang ang datos sa EOC  aduna silay 828 ka kaso karon.

Parehas ang DOH ug EOC nga nakatala og 97 ka bag-ong mga kaso sa niadtong Enero 23. Mao na kini ang kinadaghanang kaso nga natala suds a usa ka adlaw gikan sa Hulyo 25 ug kini ang kinadaghanang aktibong kaso gikan pa kaniadtong Agosto 26.

Sa kinatibuk-an, 356 sa mga pasyente ang anaa karon sa Noah Complex ug 66 pa ang naa sa IC3.

Gigamit na usab ang mga Barangay Isolation Centers uig gibutangan og 53 ka pasyente samtang adunay 45  nga nalandig sa  mga tambalanan.

Sa pagkakaron, 60 na sa 80 ka mga barangay sa siyudad nga duna nay aktibong mga kaso sa Covid-19 sud sa nakalabay nga 14 ka adlaw ning bulana.

Bisan pa niini, positibo si Garganera nga mahimong mapaubsan og balik sa siyudad ang mga kaso apan kinahanglan ang kooperasyon sa tanan.

“We can weather this storm but dili na mahimo ug kami lang sa gobiyerno. Kinahanglan mo kooperar ang tanan,” matud ni Garganera.

Sumala pa niya nagpabiling buhi ang virus ug magpadayon kini tungod sa kadaghan sa kalihukan sa mga tawo ug tungod sa pamatasan nga mosunod lang sa mga protokol kung adunay nagbantay.

“Ang hinungdan ug kinabuhi sa Covid mao ang kalihukan ug pamatasan sa tawo. Motuman sa protokol ug adunay pulis. Dapat disiplina gyud sa sa kaugalingon,” pasabot pa sa konsehal.  (BANATNEWS)