Kampo ni Osmeña moduso og mosyon
CEBU, Philippines — Gipahibalo sa kampo ni kanhi Cebu City mayor Tomas Osmeña nga karon pa lang sila nagsugod ... wala pa matapos ang tanan human gibasura sa Regional Trial Court ang petition for declaratory relief nga ilang gipasaka batok sa Cebu City ug SM-Ayala Consortium mahitungod sa pagbaligya sa yuta sa South Road Properties (SRP).
“Nagsugod pa lang kami. We are just warming up,” matud sa abogado sa mayor sa Cebu City mayor nga si Amando Virgil Ligutan sa SALiGAL Law sa Banat News kagahapon.
Niadtong Enero 13, 2021, gi-deny usab sa RTC ang aplikasyon ni Osmeña alang sa temporary restraining order and writ of preliminary injunction.
Gisang-at ni Osmeña ang kaso kaniadtong Septiyembre 3, 2019 sa iyang katungdanan isip magbubuhis, konstituwente, ug kanhi mayor.
Ang mga gipasakaan niya sa kaso mao ang Dakbayan sa Sugbu nga girepresentahan ni Mayor Edgardo Labella, ang City Council, ug ang mga namalit sa lote sa SRP, ang grupo sa mga kompanya sa SM ug Ayala.
Ang kaso gi-docket sa RTC Branch 10 sa Cebu City nga gipanguluhan ni Judge Soliver C. Peras. Ang tanang giakusahan nisumiti og mosyon aron ibasura ang petisyon.
Gibutyag ni Ligutan nga modangop sila sa hangtod sa Korte Suprema.
Sumala pa sa desisyon sa RTC, walay legal nga basehanan si Osmeña aron kuwestiyonon ang kontrata bisan pa man siya magbubuhis, konstituwente, o kanhi mayor tungod kay walay Constitutional issue sa legal standing ug wala say disbursement sa public funds nga nalambigit sa maong kontrata.
“A former mayor who has been fighting for SRP all his life has no standing to question the anomalous contract? Who has standing then? Virtually zero? This is not correct,” matud ni Ligutan.
Giklaro sab ni Ligutan nga ang kanhi mayor nakapirma og mga tseke mismo pagbayad sa utang sa SRP.
“So it does not make sense to say there is no disbursement of public funds in this case,” ingon ni Ligutan.
Sa sayo pa, giingon ni City Legal Officer Rey Gealon, ang desisyon sa RTC usa ka kadaugan alang sa siyudad. —IBM (BANATNEWS)
- Latest
