COVID-19 update kaso sa COVID-19 sa Sugbo nagkaanam og saka
Cebu, Philippines — Nakatala ang Cebu City og 54 ka bag-ong kaso sa Corona Virus Disease (COVID)-2019 kini base sa datos nga gipagawas sa Department of Health Central Visayas niadtong adlaw’ng Biyernes.
Ang Cebu City dunay 11,634 total cases ug 749 niini ang active cases. Samtang 10,234 ang recoveries sa siyudad human nakatala og dugang duha samtang pabilin nga 701 ang nakalas.
Samtang ang Mandaue City aduna na karoy 188 active cases human dunay natala nga dugang 31 ka kaso niadtong adlaw nga Huwebes maong niabot na tanan og 2,889 ang total cases sa siyudad.
Apan ang 2,529 niini nangaayo na ug 172 ang deaths. Giingong sagad sa mga bag-ong kaso sa maong dakbayan nag-edad gikan 12 anyos ngadto sa 76 anyos. Sila mga molupyo sa 15 ka barangay gikan sa kinatibuk-ang 27 ka mga barangay sa dakbayan.
Samtang ang Lapu-Lapu City dunay 134 ka active cases sa COVID-19 gikan sa kinatibuk-ang 2,787 ang total cases niini human nadugangan og pito ka bag-ong kaso.
Apan ang 2,541 nila nangaayo na ug 112 gihapon ang nakalas.
Sa datos sa DOH-7 ang Central Visayas dunay 27,075 total cases sa COVID-19; 2,264 ang active cases; 23,351 ang recoveries ug 1,4600 ang deaths.(BANAT NEWS)
- Latest