Pagsaulog sa Pista Senyor hapsay ug malinawon
CEBU, Philippines — Si Cebu City Councilor Phillip Zafra, chairman sa committee on peace and order nagkanayon nga hapsay ug malinawon ang pagsaulog sa Pista Senyor 2021.
Si Zafra nipadayag niini diha sa iyang facebook account.
“And as we would like to extend our gratitude to the devotees on their cooperation to the security and safety measures instituted during the fiesta celebration”, matud ni Zafra.
Si Zafra nipasalamat sa kapolisan, opisyales sa Barangay Sto. Niño ug tanod, mga empleyado sa Cebu City Government ug mga private sector ug uban pa sa ilang gihimo aron magmalampuson, hapsay, luwas, solemn ug memorable ang kapistahan.
Lakip sa gipasalamatan ni Zafra ang mga kaparian sa Basilica Minore del Santo Niño ilabi na sa ilang desisyon nga walay physical attendance nga mahitabo sa novena mass tungod kay gihimo na og virtual ang tanan.
Ang kapolisan nihulagway usab nga generally peaceful ang kasaulogan sa Pista Senyor 2021,gawas lang sa usa ka balay patigayon nga giingong daghan og violations nga nahimo kalabot sa executive order nga giluwatan ni Mayor Edgardo Labella.
Kini ang gitug-an sa direktor sa Cebu City Police Office Police Colonel Josefino Ligan.
Matud ni Ligan nga aduna lang sila’y girespondehan nga nag-establisar og mga sound system diha sa Barangay Lorega ug Barangay T. Padilla.
Ug diha sa IT Park diin adunay nagpahigayon og live band ug ang mga nanan-aw wala ang motuman sa physical distancing.
Subay niini, kadagatan sa Dakbayan sa Lapu-Lapu mingaw atol sa Pista Senyor niadtong adlaw’ng Domingo.
Si Nagiel Bañacia, pangulo sa Cebu Ciuty Disaster Risk Reduction and Management Office nga ang kadagatan sa Dakbayan sa Lapu-Lapu dili daghan og tawo diin halos walay nangaligo diha sa mga beach resort ug gituohan nila nga diha lang sa balay nagsaulog sa Pista Senyor ang katawhan. —Rowena D. Capistrano/BDB (BANATNEWS)
- Latest
