Lakat sa panahon gibantayan tungod sa LPA
CEBU, Philippines — Ang Philippine Atmospheric, Geophysical and Astronomical Services Administration PAG-ASA mipagawas ug 5 day Extended Weather Outlook nga nagsugod adlaw nga Sabado Disyembre 26 hangtud sa Miyerkules Disyembre 30.
Matud pa ni Engr. Al Quiblat, pangulo sa PAGASA MActan, gikan sa Dec 26 ngadto sa 27, adunay madag-umon ngadto na sa katag-katag nga pag-ulan ug thunderstorms tungod sa low pressure area.
Hinay usab ngadto sa kasarangan ngadto sa kasarangan ang hangin, diin kadagatan malinawon ngadto sa kasarangan nga pagbalod ug ang temperatura 25-30c.
Samtang sa Disyembre 28 ngadto sa 30, generally adunay maayong lakat sa panahon ug adunay dakong tsansa sa panogdog og kilat sa hapon ug gabii.
Dugang pa ni Quibalat, hinay ngadto sa kasarangan ang hangin ug kadagatan malinawon ngadto sa kasarangan nga pagbalod. Ang temperatura 25 ngadto sa 31c.
Awhag ni Quiblat sa katawhan nga kanunay magpaminaw sa dagan ug lakat sa panahon. (BANAT NEWS)
- Latest