PROBE wa motugot nga makatinda ang mga dayo dinhi sa siyudad

CEBU, Philippines — Gipahibawo sa pangulo sa Prevention Restoration Order Beautification Enhancement (PROBE) Raquel Arce nga way gitugtan nga makatinda sulod sa 100-meter radius sa Basilica Minore Del Santo Niño.

Dugang ni Arce nga ang gitugutan lang usab sa siyudad nga makatinda gawas sa 100-meter radius mao ang mga vendors nga residente sa Siyudad sa Sugbo ug wa itugot ang mga dayo nga manindahay.

“Those transient gihangyo mo nako nga dili nalang ta moanhi sa Cebu City, wala lang sa ta sa pagkakaron mentras ania pa ta sa state of pandemic so anha lang sa ta sa atong tagsa-tagsa ka mga siyudad, munisipyo, lungsod anha lang sa ta maghimo sa atong negosyo”, hangyo ni Arce.

Si Arce mitug-an nga wala gi-instalar sa kagamhanan sa siyudad ang Devotee City sa rason nga wala’y tugtan nga mga vendors nga dili taga Cebu City. Kadtong mga modayo sa dakbayan pabalikon gyud sila sa ilang lugar ug gihimo kini aron malikay sa hulga sa COVID 19.

Kasagaran raba ninyo wala’y enough nga ika-plete nga pabalik kay ang inyoha gahandom mo ang inyohang i-plete pabalik ang inyohang kita sa pagpaninda, karong tuiga, karong panahona wala tay gitugutan nga maninda, so pasensyahay ta ningkamot gyud mo makabalik mo or else aduna ra ba tay gipatuman nga health protocols unya makasupak mo niini tingali na hinoon atua mong ma-filan og kaso”, dugang ni Arce. —MEL (BANATNEWS)