Samsam mobalik pag-kongresista?
CEBU, Philippines — Nitumaw ang hungihong nga si Talisay City Mayor Gerald Anthony “Samsam” Gullas Jr. mobalik sa Kongreso sa sunod tuig nga piniliay.
Buot pasabot nga ang batan-ong Gullas mobiya na sa pagka-mayor sa Dakbayan sa Talisay.
Ang kasaligang tinubdan niingon nipasumbingay niini si Gullas dihang nitambong sa ilang kalihukan niadtong Disyembre atol sa iyang mensahe nga nakapatingala sa nanambong.
Si Gullas niangkon nga nakatambong siya og kalihukan may labot sa Pasko sa pipila ka local nga opisyal sa dakbayan. Apan siya niingon nga dili pa karon panahon nga maghisgut sa politika.
“This is the time to work together to recover from the effects of Covid economically, physically and in all aspects. Let’s tell the news as it happens,” asoy pa ni Gullas.
Si Gullas anaa pa sa iyang unang termino isip mayor samtang ang iyang apohan nga si Kongresista Eduardo Gullas ang kasamtangang naglingkod isip representante sa unang distrito sa Lalawigan sa Sugbo. —GMR (BANATNEWS)
- Latest
