20 porsyento nga diskwentro sa buhis sa Talisay nagpadayon

CEBU, Philippines — Padayon ang paghatag og 20 porsyento nga diskwento sa bayranan sa buhis sa real property sa Syudad sa Talisay.

Kini human si Mayor Gerald Anthony “Samsam” Gullas Jr. ug ang konseho nitugot sa paglugway niini.

Si Emma Macuto, city treasurer sa siyudad nagkanayon nga sa katapusang buwan sa tuig 2020 ug gani hangtud karon nagsugwak ang mga tawo aron mobayad sa buhis.

Ang lugway sa diskwento molanat pa hangtud sa katapusang adlaw karong buwan sa Enero.

Samtang nagpadayon usab karon ang pag-proseso sa pagbayad sa mga business permit.

Gani gipahiluna sa peoples hall sa Siyudad sa Talisay ang one stop shop alang sa mga mobayad og buhis. – MEL  (BANATNEWS)