10 ka sugarol sikop sa Talisay
CEBU, Philippines — Miabot sa 10 ka sugarol ang nadakpan sa kapulisan sa Dakbayan sa Talisay didto sa Barangay Mohon kagahapon sa udto.
Ang mga dinakpan mao sila si Jovit Lapay Paran, 31 anyos; Norberto Calleno Gumera, 39 anyos; Roldan Aguilar Rendon, 34 anyos; Joy Cabatuan Gamboa, 47; Armando Mahusay Talingting, 52; Artemio Betonio Olana, 47; Rogelio Ibonia Lahinpao, 25; Fredie Villaver Manija, 46 anyos; Pedro Baisac Antinero, 26 ug si Dionesio Bariguit Delos Reyes, 51 anyos.
Si Police Lt. Col. Gerard Ace Pelare, pangu sa kapulisan sa Dakbayan sa Talisay nakadawat og tawag labot sa pagpahigayon og tigbakay sa lugar.
Wa magdugay, girespondehan kini ug nangadakpan ang mga sugarol. Nakuha sa mga otoridad ang manok nga naglinabukay ug pipila ka kwarta nga ilang pusta. Ang mga dinakpan gibalhug sa bilangguan og gikatakdang pasakaan og kaso karong adlawa. MEL (BANATNEWS)
- Latest
