Mga establisamento gi-“Bulabog” kagabii

CEBU, Philippines — Ang Cebu City Police Office (CCPO) kauban ang koordinasyon sa PROBE team ug ang Local Government Unit (LGU) milibot sa nagkadaiyang establisamento ug kabarangayan kagabii  subay sa pagpahingusog sa Oplan Bulabog.

Ang Oplan Bulabog pagsiguro kini nga gituman sa mga tawo ug mga tagdumala ang kasamtangang ordinansa sa minimum health standard protocols sa tuyo nga mapugngan ang pakuyanap pa sa coronavirus disease. Si Police Colonel Josefino Ligan, hepe sa CCPO miingon nga ang paglusad sa ikaduha nga Oplan Bulabog namugna human sa mga report nga nadawat nga adunay daghang mga tawo ang nakit-an nga nagtapok sa gawas ug nakalapas sa minimum health standard protocols sa holiday season.

"Then we know that the eve of the New Year, daghan gyud kaayong mag celebrate sa gawas, the executive order in relation to the curfew has also been activated, naa pa gihapon siya," sigun ni Ligan.

Kauban ang chairman sa peace and order committee ug ang  city council pinaagi ni Councilor Philip Zafra, Prevention,Restoration,Order, Beautification and Enhancement (PROBE) ug lain pa nga units sa LGU,ang CCPO magpahigayon sa ikaduhang Oplan Bulabog.

Target niini ang mga establisemento nga mag cater sa mga kustomer nga nakalapas sa physical distancing protocol hilabi na ang mag-inom.   Kauban sa ilang pag-tuyok, bantayan usab sa CCPO ang paggamit sa mga pabuto.

"Kay during sa atong bulabog, basin naa tay mahagip masugatan nato nga magsige og pabuto kay nasayod naman ta nga naa tay mga designated nga firecracker zone nga gipangbutang," sigun ni Ligan.

"Kanang magpabuto daplin sa dalan,sa ilang balay, bawal na na, so during sa atong Oplan Bulabog iapil na nato..basta kanang magpabuto,we will be making arrest," dugang niya.  Sa wala pa ang aktuwal nga Oplan Bulabog,  ang team una nga magtuyok sa mga establisemento ug pahinumduman sa mga ordinansa ug executive orders mahitungod sa health protocols.

Ang aktuwal nga Bulabog,  magsugod sa alas-11 sa gabiidiin ang mga establisemento nga masakpan labi na nga nakalapas sa nahisgutang mga pasidaan, isyuhan og show-cause order.

Gawas niini, maglakip usab  na usab sa Oplan Bulabog and  rescue operation sa mga street dwellers kung makit-an sila nga magsuroy-suroy sa kadalanan. —IBM (BANATNEWS)