5 ka pusher nasikop sa buy-bust operation

CEBU, Philippines — Mokabat sa kapin sa P714,000 nga balor sa drugas nasakmit sa gipahigayon nga buybust operation sa Station Drug Enforcement Unit sa Labangon Police pinangulohan ni Police Captain Eran~o Regidor Deputy Chief sa Labangon Police Station Huwebes sa kadlawon didto sa Sitio San Isidro Barangay Quiot Syudad sa Sugbo.

Atol sa operation nasikop ang suspetsado nga si Aljon Escrupolo Tagalog 27 anyos gikonsiderar nga  High Value Individual Regional Level ug nakuha sa iyang posisyon ang 105 gramos sa gidudahang shabu nga mo balor 714,000 pesos

Samtang upat ka mga durugista ang nasikop sa buy bust operation sa mga tinugyanan sa Drug Enforcement Unit sa Guadalupe Police Stations adlaw nga Huwebes. Ang unang operation alas dos kinse sa kadlawon nasikop si Mary Ann Russiana, 32anyos, taga Barangay Quiot. Laing sa nasikop sa may J. Labra Street Barangay Guadalupe mao Excell Onella, 31anyos, taga Guada Villa Homes.

Sunod nga nasikop mao sila si Jhonney Llamedo, 40anyos, taga V. Rama Avenue ug Melody Colete, 35anyos, taga Barangay Quiot.

Nasakmit gikan sa mga dinakpan ang dili mominos sa 54 ka gagmay nga pakete ug 3 ka medium size sa gituohang shabu ug lakip usab ang buy bust money.

Nangulo sa maong operation mao si PLT Joel Dela Cerna, nitug-an human nila nasikop una si Russiana, nisunod gilayon ang ilang mga follow-up operations nga niresulta sa laing tulo ka mga tawo nga nasikop human nagpayuhot usab ug illegal nga drugas.

Ang mga dinakpan nagtingkagol na karon sa lock-up jail ug gipaabot ang pagpasang-at ug tukma nga kaso batuk kanila. —Rowena D. Capistrano/MEL (BANATNEWS)