Sunog misugat sa Pasko sa taga Casuntingan
Cebu, Philippines — Masulob-on ang pagsugat sa Pasko sa mga molupyo sa Purok Nangka, Barangay Casuntingan sa Dakbayan sa Mandaue human sila naigo og sunog ala: 1:08 ang takna sa kaadlawon Disyembre 25, 2020
Si Senior Fire Officer 2 Noel Codilla nga maoy field investigator sa Bureau of Fire Protection (BFP) sa Dakbayan sa Mandaue miingon nga ang kalayo unang nagsugod sa panimalay ni Conchita Geraldiz nga gipuy -an sa usa ka naila lang sa pangalang Riza diha sa ikaduhang andana.
Matud pa ni Codilla hingpit nilang napawong ang kalayo alas 2:07 na ang takna sa kaadlawon.
Gibanabana ngaa P140,000 ang gibiling danyos ang maong sunog ug walay gikatahong naangol o kinabuhing nakalas.
Si Codilla miingon nga mohimo pa sila og dugang imbestigasyon pagsuta sa hinungdan sa maong sunog.
Si Mayor Jonas Cortes kinsa dali nga nisusi sa maong dapit miingon nga ang mga tag-iya og mga panimalay nga hingpit nga naugdaw makadawat og P10,000 nga financial aid ug P5,000 sa mga nag-abang gikan sa siyudad.
Ang mga sakop sa City Social Welfare Office nanghatag og mga ready to eat nga mga pagkaon nga molungtad og tulo ka adlaw. ( BANAT NEWS)
- Latest
