Kaoshiong bus nga butangan sa mga badlongon gidugangan

Cebu, Philippines — Gilaumang mosugwak ang mga manimbahay sa kataposang adlaw sa pagpahigayon sa Misa de Gallo.

Ug gimikan niini si Mayor Edgardo sa Labella sa Dakbayan sa Sugbo niluwat kini og direktiba aron masunod ang basic health protocols.

Ang maong direktiba kabahin sa istriktong pagpatuman sa minimum health protocols ug bantayan gyud ang mga tawo ug badlongon ang wala mosunod sa protocols. Gibutyag ni Labella nga gidugangan nila ang Kaohsiung buses aron kadtong mga nakalapas sa protocols adto ibutang ug pasabton sa kai mportante sa health protocols.

Si Labella nipahibawo nga mobalik unya ang siyudad sa paggamit sa quarantine pass diin kadtong mga quarantine pass nga nagtapos sa odd number makagawas sa adlawng Lunes, Miyerkules ug Biyernes ug kadtong mga quarantine pass nga even number ang kataposan maoy makagawas sa Martes, Huwebes ug Sabado.

Giklaro ni Labella nga ang pagsuspenso sa paggamit sa quarantine pass gihimo aron paghatag og kahigayonan sa pagtambong sa Misa de Gallo apan ibalik ang pagpatuman niini karong Disyembre 26. ( BANAT NEWS)