Delivery vehicle permits ihatag sa sunod buwan

CEBU, Philippines — Mipagawas og advisory ang  Cebu City Transportation Office (CCTO)  kagahapon nga nag-awhag sa mga nag-operate og delivery vehicles  nga i-renew ang ilang mga permit karong Enero  2021.

Sumala pa sa CCTO nga gibase  kini sa  City Ordinance 069, Section 58 ug kadtong dili mosunod niini hayan makamulta. Gitambagan ang mga aplikanteng moduso og kopya sa ilang OR/CR  sa ilang mga sakyanan nga gigamit sa negosyo ug ilakip usab ang ilang business permit. Kinahanglan sab silang moduso og kopya sa lisensya sa driver nga nakadestino  sa sakyanan, photocopy sa requirements ug dalhon kini sa buhatan sa CCTO  nga nahimutang sa ikaduhang andana sa  Ramos Public Market ug aduna kini P500 delivery permit fee.  Sa laing bahin, padayon ang lapad nga clearing operation nga gibuhat sa CCTO alang sa mga nagpataka og parking sa ilang mga sakyanan.

Sa miaging gabii, naka-isyu sila og 18 ka citation tickets sa mga badlungong drayber, pinasubay usab kini sa kamandoan nga DILG-2020-145 o ang Road Clearing. —IBM (BANATNEWS)