Barangay Camp 4 nakasinati og landslide
CEBU, Philippines — Gialarma kagahapon sa buntag ang nahitabong pagdahili sa yuta diha sa usa sa mga lugar sa Barangay Camp 4, Dakbayan sa Talisay.
Kini ang gibutyag ni Alvin Santillana, hepe sa City Disaster Risk Reduction and Management Office (CDRRMO). Hinuon walay mga tawo ug panimalay ang naigo sa yuta nga nadahili. Matud ni Santillana nga ang karsada diha sa lugar ang lakip nga gisirado niadto pang Biyernes sa gabii human sa sunod-sunod nga uwan tungod sa bagyong Vicky. Si Santillana nagkanayon nga proactive nalang sila gumikan kay ang lugar mao gyud ang permamenting madahilian og yuta sa higayon nga dili maayo ang panahon o kanunay ang bunok sa uwan. Gawas sa landslide, gipahibawo usab ni Santillana nga usa ka drainage diha sa Barangay Bulacao nga padayon nga gitrabaho ang nihulpa.
Hinuon aduna nay nag-cordon sa lugar aron walay mga tawo nga madisgrasya. –BDB (BANATNEWS)
- Latest