48 ka tawo nasikop sa Cordova police

Cebu, Philippines — Nadakpan  sa kapolisan sa Lungsod sa Cordova ang 48  ka tawo nga naglakip sa usa ka barangay konsehal nga naghupot og shabu sa gihimong province-wide Synchronized Anti-Criminality and Law Enfocement Operations kun SACLEO niadtong Disyembre 14, hangtud sa Disyembre 16, 2020 .

Si Police Captain-Al-Nico Haman hepe sa Cordova Police Station miila sa Barangay konsehal nga mao si Barangay Ibabao Councilor Daniel Pogoy Miano, 47 nga taga Barangay Gabi.

Si Konsehal Miano ilang nadakpan sa pagbaligya og shabu ug nasakmit gikan kaniya ang gidala nga KG9 nga armas

Nadakpan usab ang iyang mga kauban nga sila si Nazario Pilapil Villamor, 53  anyos,  taga Barangay Banilad sa Dakbayan sa Sugbo,  Quennie Cabugwang  Deveras, 45 nga taga Romblona  Barangay Basak, Dakbayan Lapu-Lapu.

Dugang nadakpan mao sila si Jose Gamara, Degamo Pacaldo, 42 ug ang iyang kauban nga si Alberto Casquejo Quijano, 50 ang nakaeskapo.

Nadakpan usab sa paghupot og illegal nga drugas ang 22 anyos nga si Emmanuel Brigoli Tirol nga molopyo sa Barangay Poblacion sa maong lungsod.

Duha usab ang ilang gidakop tungod sa warrant of arrest sa kaso nga ilegal nga drugas nga mao sila si Elmer Tura Maquilang ug Remedios Cavan Bentazal.

Laing 38 usab ka tawo ang nadakpan nga nakalapas sa minimum health protocol sama sa wala pagsul-ob og face mask og face shield sa ilang paggawas sa publikong lugar. ( BANAT NEWS)