Pamilyang Garcia nipasaka og kaso batok sa duha ka doctor

CEBU, Philippines — Nipasaka og kasong medical negligence ang pamilyang Garcia batok sa duha ka doktor kinsa maoy niatiman kang kanhi Barili Mayor Marlon Garcia kinsa namatay niadtong bulan sa Septiyembre 2020 diha sulod sa usa ka tambalanan.

Ang maong reklamo naumol human sa findings ni Dr. Ravi Durvasula, usa ka licensed physician ug professor sa Medicine and Infectious Diseases ug Chairman sa Department of Medicine sa Loyola University Sritch School of Medicine sa Chicago didto sa United States.

Giingong nakita ni Durvasula ang kakulang sa pag-obserba sa standard nga pag-atiman ug procedure sa pag-atiman kang Mayor Marlon.

“Why are we doing this? This will not bring back the lives of Marlon and Nelson, but and I speak now as governor of the province of Cebu, we are hoping that this case and what we eventually will wish to prove will serve as a warning to others, that there will be less people who have to needlessly die because of criminal negligence and criminal greed,” matud ni Gobernador Gwendolyn Garcia.

Matud sa pamilyang Garcia nga ang maong kaso sugod pa kini sa “series of complaints” nga ilang isang-at batok sa mga doktor nga nag-atiman kang kanhi Mayor Marlon ug kanhi Dumanjug Mayor Nelson Garcia. Ang managsuong Garcia pareho kining nagpositibo sa COVID-19 apan naka-recover kini.

Si Marlon giingong namatay kini tungod sa septic shock secondary to catheter related blood stream infection, ventilator associated pneumonia samtang si Nelson namatay tungod sa cardio pulmonary arrest secondary to probable pulmonary embolism.

“The family is also planning to file civil action for damages against Chong Hua Hospital for the deaths of the late Marlon and Nelson Garcia and are mulling the filing of criminal actions against the responsible officers of the hospital for estate through falsification of documents resulting from their fraudulent claims of reimbursement from PhilHealth on the deaths of Marlon and Nelson”, tipik sa press release sa pamilyang Garcia.

Nikabat ngadto sa P8 milyones ang nabayran sa pamilyang Garcia sa hospital bill sa managsuong Nelson ug Marlon. Sa oras sa pagsuwat niining balita ang Banat News nangayo og pamahayag sa habig sa tambalanan apan wala pa kini mohatag og pamahayag. ( BANAT NEWS)