Tag P 6mil nag cash aid sa mga magtutudlo sa Toledo City gihatag
CEBU, Philippines — Mga magtutudlo sa Toledo gihatagan na sa ilang tinuig nga cash aid ug mga ekipo sa kagamhanan.
Suma pa sa tigpamaba sa maong siyudad nga si John Rossell Layan nga nahinabi sa Banat News nga P6,000 ang tinuig nga cash incentives alang sa mga personnel sa Department of Education -Toledo .
Giapud-apod kini sa miaging adlaw ni Mayor Marjorie Piczon-Perales ug sa mga sakop sa konseho sa maong siyudad.
Gawas sa cash incentives, nitunol usab ang siyudad og flat screen TVs ug air-conditioning units alang sa mga tunghaan.
“The new mode of learning in the new normal education has been a burden for everyone especially the teachers. To ease the DepEd’s load, our local officials came up with this initiative to support our educators who play a vital role in our society,”tipik sa statement nga namantala sa Toledo City Public Information Office.
Dugang pa nga usa usab kini sa pamaagi nga sa pagtimbaya ug pag-ila sa mga magtutudlo sa ilang lig-on ug dakong kontribusyon sa komunidad.
Nitambong usab sa pag-apod sa cash incentives si DepEd Toledo City Schools Division Superintendent, Dr. Orlando Cadano.
Nagtrabaho kaniadto isip nurse sa DepEd ang kasamtangang mayor hinungdan nga doul kaayo kini sa iyang kasing-kasing. —IBM (BANATNEWS)
- Latest
