CCTO dili molugak sa ilang pag-clamp sa mga sakyanan
CEBU, Philippines — Dili mominos sa 97 ka mga sakyanan ang na clamp sayo sa kadlawon adlaw nga Miyerkules sa gipahigayon nga road clearing operations sa mga tinugyanan sa Cebu City Transportation Office.
Ang mga na clamp nga sakyanan illegal nga giparking diha sa kadalanan nga naglangkob sa Labangon, Tisa, Banawa sa Barangay Guadalupe, Capitol Site, Salvador Ext, Sepulveda, Yakal Streets, Elizabeth Pond ug uban pa.
Suma pa sa mga tinugyanan sa CCTO nga ilang naobserbahan nga daw sa wa ma-leksyon ang mga tag-iya ug sakyanan sa pipila ka mga barangay kay magpataka lang gihapon sila ug parking matag gabii.
Apan bisan pa niini ang buhatan sa CCTO padayon gihapon sila mo-implementar sa road clearing operation ug bawal gihapon ang illegal night parking subay sa 2004 ordinance.
Ang paghawan sa kadalanan gihimo sa mga tinugyanan sa CCTO aron dali ra unya makalusot kung adunay mga emerhensya nga mahitabo sa maong mga barangay. —MEL (BANAT NEWS)
- Latest