Konsehal Osmeña miklaro, dili pa mapatuman ang night market
CEBU, Philippines — Gibutyag ni Cebu City Councilor Renato Osmeña Jr., Chairman sa Committee on Market sa Konseho nga pabor siya nga dunay night market alang sa kaayuhan sa mga manindahay ingon man sa turismo apan iyang giklaro wala kini nagpasabot nga buhaton kini diha-diha dayon.
Gihimug-atan sa Konsehal nga dili nila ikompromiso ang kaluwasan sa katawhan ug buhaton lang ang night market.
Si Osmeña miasoy nga kinahanglan mo-survive ang mga tawo apan dili sila mohimo og lakang nga makadugang na hinoon sa kasamok ug maghatag og problema sa mga frontliners.
Dugang sab sa konsehal nga si Mayor Edgardo Labella lang ang makadesidir nga mahitabo ang night ug kini mahitabo kun luwas na kita sa hulga sa covid-19.
“Maluoy gyud mi but mas maluoy mi kung ma ospital sila, magkasakit sila, diha mi maluoy and then I have a very active Market Administrator Atty. Irvin Cabales he is working hand in hand with the vendors that’s why we started up with the idea of night market and the other activity we have for the vendors because we want the people to know that we are concern with this kind of vendors, we are concern but we’re still looking for ways but not to sacrifice the health for progress”, pagklaro ni Konsehal Osmeña.
Ang konsehal mihangyo sa mga vendors nga patas-an pa ang pasensiya tungod kay ang city government ilabi na ang Market Operations Division padayon nga nangita og win-win solution aron ang mga manindahay makabaligya og balik sa mas luwas nga lugar. —MEL (BANATNEWS)
- Latest
