DOH-7 mi turnover sa duha ka ambulansiya sa Talisay
CEBU, Philippines — Duha ka mga ambulansya ang nadawat sa Dakbayan sa Talisay gikan sa Department of Health (DOH) Central Visayas. Si Dr. Jamie Bernadas maoy personal nga mihatag niini ngadto ni mayor Gerald Anthony “Samsam” Gullas Jr. tipik sa programa sa DOH nga Health Facility Enhancement.
Gikan sa General Appropriation Act (GAA) ang pundo nga gipalit sa ambulansya. Matud pa ni Gullas nga sa dihang kongresista pa siya nihangyo kini sa DOH nga tagaan og ambulansya ang mga lungsod ug siyudad sa unang distrito.
Nalipay siya tungod kay natigayon kini aron sab nga makatabang sa mga tawo nga nanginahanglan.
Dugang pa ni Gullas nga dakong tabang sab ang bag-ong ambulansya ilabi na nga naa sa pandemya. –IBM (BANATNEWS)
- Latest