Unom nadakpan sa buy-bust sa Talisay City police
CEBU, Philippines — Unom ka mga gipasanginlang durugista ang nasikop sa gihimong operasyon batok ilegal nga drugas sa managlahing barangay sa Siyudad sa Talisay niadtong Biyernes sa udto.
Unang operasyon gihimo didto sa sitio Kilawan, Barangay Tanke mga alas 12:10 batok kang si Mary Bataan Day Cabanes Maglinte, 51.
Lakip sa nasikop mao sila si Virginia Villegas Pagar, 50 anyos nga taga sitio Gren Medow, Brgy. San Roque, Talisay City, Cebu; Adeliza Enjambre Mancera, 28 anyos nga taga Villadolid Carcar City, Cebu ug si Pio Cabanes Talla Jr., 44 anyos nga taga sitio Kilawan, Brgy. Tangke, Talisay City, Cebu.
Ang mga dinakpan nakuhaan og ilegal nga drugas ingon man nga nibalor og P6 mil kapin ug kulang.
Mga alas 12:30 sa udto, nadakpan sab si Junrey Montes Siton, 33, sa Sitio Laray, Barangay San Roque sa maong Syudad. Ang kauban ni Siton lakip sa nadakpan nga mao si Marlonne Oring Zapanta, 40 anyos.
Ang drugas nga nakuha kanila nitimbang og 6.25 gramos nga mobalor og P42,500.
Matud pa ni Police Major Gerard Ace Pelare, pangu sa Talisay City Police Station nga usa ka High Value Individual (HVI) si Siton nga nakuha nila pinaagi sa pagsumbong sa iyang mga galamay sa iyang gihimutangan.
Ang mga dinakpan gibalhug sa bilangguan nga gikatakdang pasakaan og kaso.— IBM (BANATNEWS)
- Latest
