Operators buot moapas sa Balik Pasada Program sa Cebu City
CEBU, Philippines — Si Cebu City Councilor James Anthony Cuenco nagkanayon nga kagahapon adunay mga operator sa Traditional Public Utility Jeepneys (TPUJ) nga nibisita sa iyang buhatan ug nangutana kong mahimo pa ba silang moapas sa Balik Pasada Program sa siyudad.
Si Cuenco niluwat og memorandum sa Land Transportation Office(LTO)-7, Land Transportation Franchising and Regulatory Board(LTFRB)-7 ug Cebu City Transportation Office(CCTO) sa pag-abli sa ilang buhatan alang sa mga jeepney driver ug operator nga buot mokuha og permit aron makabalik sila og biyahe.
Nalakip usab sa memorandum nga i-endosar kadtong mga nakapasar sa requisite inspection sa buhatan ni Cuenco aron makaisyu sila og identification card sa mga jeepney driver ug unit.
Si Cuenco nagkanayon nga ang ilang ipasulod kadto gihapong18 ka mga rota nga unang naaprobahan.
Gibutyag ni Cuenco nga aduna sila’y himuong evaluation uban sa technical working group sa Cebu City Jeepney Task Force ug desisyonan kon dunay laing rota nga i-akumodar.
Nasayran nga sa niaging semana natapos ang gipahigayon nila nga Balik Pasada Program One-Stop TUPUJ Application Hub apan matud usab ni Cuenco nga kon taas ang demand mahimo ra nga mopahigayon og laing one-stop shop.
Si Cuenco gikatakdang mohimo og endorsement kang Mayor Edgarod Labella karong Lunes alang sa planong pagpasulod sa mga TPUJ nga gikan sa tri-cities. —BDB (BANATNEWS)
- Latest
