CCLSB: Programa alang sa radio education naumol na
CEBU, Philippines — Ang pangulo sa Cebu City Local School Board Raddy Diola nangkanayon nga naumol na ang programa nga Education Laboratory on Radio. Kini human si Mayor Edgardo Labella nipadayag kabahin sa pagtabang sa mga estudyante sa pag-navigate sa ilang mga module.
Matud ni Diola nga usa sa gitan-aw nila nga pamaagi mao ang gadgets apan dili kini epektibo nga tool sa kadaghanan tungod kay mahal kini ug dili tanang tinun-an makapalit niini.
Ug kong ugaling adunay gadget problema usab sa internet connection ug giingong dili usab maayo alang sa pagtuon sa mga bata ang gadgets ug nakita nila nga ang feasible method mao ang radyo diin stable ang signal ug naanad ang mga tawo sa radyo.
Matud usab ni Diola nga mangita sila og radio stations nga makahatag nila og continues airtime nga walo ka oras hours o 10 ka oras.
Gitrabaho na nila kini ug nakig-alayon sila sa Department of Education sa maong tumong.
Ang budget alang sa maong katuyoan adto kuhaon sa maintenance and other operating expenses alang sa sunod tuig hinungdan nga ang gihimo nila karon mao ang pag-andam sa paper works ug pagsuta sa radio stations nga makahatag nila sa maong oras.
Nunot niini, si Mayor Edgardo Labella nagkanayon nga 48 ka public elementary school teachers ang ilahang na-identify nga maoy mohimo sa pagtudlo sa mga tinun-an pinaagi sa radyo nga magsugod karong Enero 4, 2021. –BDB (BANATNEWS)
- Latest
