30 nagtigbakay nangadakpan
CEBU, Philippines — Makabayad og multa nga P30,000 ang matag usa ang 26 ka mga sugarol nga nadakpan sa kapolisan sa gironda nila nga nagtigbakay sa Barangay Looc, Dakbayan sa Lapu-Lapu.
Si Police Captain Felix Cleopas III nga maoy hepe sa Presinto 3 sa Lapu-Lapu City Police Office (LCPO) miingon nga gitanggong pa karon ang mga dinakpan ug dili sila buhian hangtud di makabayad sa korte. Samtang wala usab makaugpo ang pito nga nagtigbakay nga gironda sa mga sakop sa Provincial Intelligence Unit (PIU) sa Cebu Provincial Police Office (CPPO) sa Barangay Tabok, Dakbayan sa Danao sa miaging Lunes sa hapon Nobyimbre 30, 2020.
Ang nadakpan maoy ilang nagunitan kauban sa uban nga mga sugarol nga nag-iyahay ogpagpanagan.
Ang maong pito nga nadakpan gawas sa paglapas sa social distancing wala usab kini magsul-ob og face mask ug illegal gambling. Upat sab ka tawo ang nasikop sa kapolisan Daanbantayan tungod sa hantak sa Barangay Bakhawan sa maong lungsod. —Rowena D. Capistrano/IBM (BANATNEWS)
- Latest