Cebu City nakatala og dugang siyam ka kaso
CEBU, Philippines — Naa sa 292 ang active cases sa coronavirus (COVID)-2019 sa Cebu City kini base sa datos nga gipagawas sa Department of Health Central Visayas niadtong adlaw’ng Lunes.
Ang Cebu City dunay 10,654 total cases sa COVID-19 human nga nakatala og siyam ka bag-ong kaso sa virus.
Ang Cebu City karon duna nay 9,677 recoveries ug naa sa 685 ang nangamatay.
Samtang ang Mandaue City adunay 92 active cases sa COVID-19 ug naa sab sa 2,663 ang total cases sa siyudad.
Niabot na sab sa 2,402 ang nangaayo human dunay duha nga nangaayo samtang pabilin sa 169 ang talaan sa mga nangamatay.
Samtang ang Lapu-Lapu City dunay 137 active cases sa COVID-19 sa 2,623 niini nga natala nga mga kaso tungod sa nadugang nga tulo ka bag-ong kaso sa COVID-19.
Moabot sab sa walo ka pasyente ang nangaayo maong duna na sila karoy 2,377 nga kinatibuk-ang gidaghanon sa mga nangaayo ug nagpabiling 109 ang nakalas.
Sa datos sa DOH-7 ang Central Visayas dunay 24,150 total cases sa COVID-19 diin 1,167 ang active cases; 21,595 ang recoveries ug 1,388 ang deaths.
Ang DOH-7 nakatala anang adlawa og 39 ka bag-ong kaso. Gawas sa maong mga siyudad dunay 21 nga bag-ong kaso sa Bohol, ug tagtulo sa Probinsya sa Sugbo ug Negros Oriental.— Le Phyllis F. Antojado/IBM (BANATNEWS)
- Latest