Imbestigasyon pagpatay kang Wee magpadayon
CEBU, Philippines — Kapulisan nipasalig nga bisan ug gihatod na sa iyang kapahulayan nga dayon si Atty. Joey Luis Wee, magpadayon ang ilang pagpalawom sa imbestigasyon sa kamatayon niini.
Si Wee gipusil sa wala mailhing mamumuno samtang padulong unta kini sa iyang buhatan sa Barangay kasambagan ning Dakbayan sa Sugbo sa nilabay nga semana.
Si Police Major Clark Arriola, ang tigpamaba sa Cebu City Police Office nga nahinabi sa mga tigbalita miingon nga ang Special Investigation Task Group nagsige na og hipos og mga ebidensya ug mga pamahayag.
Sa sunod nga tigum sa SITG, imbitahon nila ang National Bureau of Investigation 7 ug ang Cyber Crime Group.
Gitug-an ni Arriola nga nakig-alayon na kanila ang pamilya ni Wee apan kuwang pa ang impormasyong nahatag. —IBM (BANATNEWS)
- Latest