Konsehal nga land developer gipusil patay

CEBU, Philippines — Usa konsehal sa Barangay Kinasang-an sa Dakbayan sa Sugbo ang gipusil sa wala mailhing mamumuno diha sa Sitio Adelfa, Barangay Pardo ning dakbayan.

Ang nakalas naila nga si Konsehal Ponciano Villamil, 62, konsehal sa barangay ug taga Sitio Lower Suran. Samtang ang mamumuno wala kini mailhi.

Matud pa ni Kapitan Susan Enriquez, ang barangay nakadawat og mga reklamo bahin sa konsehal may kalabutan sa yuta. Giingong usa ka land developer ang biktima.

Dugang pa ni Enriquez, wala pa hinoon siya masayod kung unsay hinungdan sa pagpusil sa gipatay nga konsehal. Gitug-an ni Enriquez nga  giingong adunay nangita sa konsehal sayo nianang buntag sa wala pa ang krimen.

Ang kapitan, nitug-an gipahimangnuan na niya ang biktima kinsa usa sab ka engineer  bahin aning mga nagreklamo bahin sa yuta.

Ang biktima padulong mopauli sa dihang gipusil sa wala mailhing mamumuno.

Ang kapulisan sa Pardo Police Station nga gipangulohan sa ilang hepe Police Major John Kareen Escober miingon nga nagpadayon pa ilang imbestigasyon bahin sa hitabo.

Sa laing bahin, patay sab ang 60-anyos nga si Reynaldo Coronel  sa Purok Manga, Barangay Bangbang, Lungsod sa Cordova ang gipusil patay sa gawas sa ilang panimalay.

Si  Police Corporal Ritchie Abao  sa Cordova Police Station miingon nga way nakakita sa hitabo. Ang barangay  tanod mao nay nagpahibalo kalabot sa nahitabo kang Coronel nga adunay mga samad pinusilan sa kalawasan .

Padayon pa ang imbestigasyon sa maong pagpatay.— Romeo T. Limpangog/IBM (BANATNEWS)