Cebu City nakatala lang og duha ka bag-ong kaso
CEBU, Philippines — Niabot na sa 367 ang active cases sa coronavirus Disease(COVID)-2019 sa Cebu City kini base sa datos nga gipagawas sa Department of Health Central Visayas niadtong adlaw’ng Lunes.
Ang siyudad bag-ohay lang naalarma tungod sa pagsaka sa mga kaso niini maong gipahugtan pagbalik ang mga utlanansa siyudad ug giestrikto pagbalik ang paggamit sa quarantine passes sa mga tawong mogawas sa panimalay.
Ang Cebu City aduna karoy 10,584 ka mga kaso human nga nakatala og duha ka bag-ong kaso sa virus. Hinuon, adunay unom nga nadugang sa mga nangaayo nianang adlawa. Kaning duha ka bag-ong kaso gikan kini sa 277 ka mga samples nga gipalaboratorya nianang adlawa.
Ang siyudad duna na karoy kinatibuk-ang 9,535 nga mga nangaayo ug nagpabilin sa 682 ang deaths.
Samtang ang Mandaue City adunay 92 active cases human nadugangan sila og usa ka bag-ong kaso.Duna na sila karoy 2,651 kinatibuk-ang gidaghanon sa mga kaso.
Niabot na sab sa 2,393 ang recoveries sa dakbayan human dunay nadugang nga usa nga naayo ug nagpabiling 166 ang natala sa mga namatay sa maong siyudad.
Ang Lapu-Lapu City dunay 136 aktibong kaso sa 2,596 nga kinatibuk-ang natala. ANg siyduad dunay usa ka bag-ong mga kaso. Naa sab sa 2,351 ang nangaayo ug 109 ang nakalas.
Sa datos sa DOH-7 ang Central Visayas dunay 23,753 total cases sa COVID-19 diin 1,310 ang active cases; 21,064 ang recoveries ug 1,379 ang deaths.
Anang adlawa 30 ang bag-ong kaso sa rehiyon. Gawas sa maong tulo ka siyudad, dunay nadugang nga usa sa Probinsya sa Sugbo, 23 sa Negros Oriental ug tulo sa Siquijor. Miabot sab og 30 ang nadugang nga nangaayo ug ng kinadaghanan mao ang 22 sa Probinsya sa Sugbo. (BANAT NEWS)
- Latest