14-anyos nakuryentihan namatay
CEBU, Philippines — Patay ang usa 14-anyos nga batan-ong lalaki human kini nakuryentihan sa live wire sa may Upper Lahug, Mantalongon, Lungsod sa Dalaguete, Lunes sa hapon.
Ang nakalas naila nga si John Lloyd Pialan, residente sa maong lugar. Matud pa ni Police Master Sergeant Arnold Frenal, Desk Officer, sa Dalaguete Police Station, giingong gikan naghatud og utanon sa bagsakan ang maong batan-on.
Sa dihang pauli na kini sa ilang balay aksidente niining nahikapan ang nagyunyon nga wire sa usa ka electric company nga maoy hinungdan nga kini nakuryentihan. Sumala pa ni Frenal, dali pa unta kining gidala sa tambalanan sa lungsod apan gideklarar kini nga dead on arrival. Dugang pa ni Frenal, nagpaabot pa sila karon sa pamilya sa maong minor de edad kung mopasaka og kaso batok sa pagpasagad sa maong kompanya. (BANAT NEWS)
- Latest
