Malapascua bukas na sa mga turista

CEBU, Philippines — Bukas na sa mga turista ang isla sa Malapascua sa Lungsod sa Daanbantayan nga usa sa sikat nga tourist destination sa Probinsya hilabi na isip usa ka diving site.

Suma pa ni governor Gwen Garcia nga lokal nga turista pa ang makabisita sanglit wa pa man gitugot ang international tourism travel.

Ang pagbukas gihimo niadtong Domingo atol sa pagbisita ni Governor Garcia.

“Let’s not pin all our hopes in international tourism alone, it will come. Let us encourage domestic tourism. That should be a start,” matod ni Garcia sumala sa Sugbo News ang gidumala nga news portal sa Probinsya sa Sugbo.

Usa sa mga tag-iya sa dive shop sa Malapascua nagpasalamat nga human sa pipila ka bulan nga wala silay kita tungod sa community quarantine, karon maka hinay hinay na sila og barog ug bukas balik sa ilang operasyon.

Ang regional director sa Department of Tourism (DOT) 7 nga si Shahlimar Tamano niawhag sa mga resort owners ug tourism operators sa isla nga mokuha sa mga kinahanglang certificate gikan sa DOT, Philippine Commission on Sports SCUBA Diving (PCSSD), ug sa Probinsya sa Sugbo aron sila makabalik sa ilang operasyon. (BANAT NEWS)