Konsehal sa barangay giakusahan nga nangangkon og yuta

CEBU, Philippines — Usa ka konsehal sa barangay ang gipasanginlan nga nangangkon sa pribadong yuta sa Dakbayan sa Carcar.Si kanhi konsehal Roger Montesclaros nga karon maoy city administrator sa Siyudad nipasangil ni Mary Ann Manayaga, konsehal sa Barangay Valencia nga miangkon sa iyang dul-an duha ka ektaryang yuta.

Gipasakaan na og kaso ni Montesclaros si Manayaga ngadto sa konseho sa Dakbayan sa Carcar.

Asoy pa niya nga ang luna nga ilang gilalisan gibutangan og signage nga nag ingon nga gipanag-iya kini sa LUMAD.

Si Atty. Hermie Jun Toledo, legal counsel sa National Commission on Indigenous Community nitambong sa dayalogo sa konseho ug nipasabot nga duha lang ka indigenous group ang giila sa balaod.

Ang duha ka indigenous group mao lang ang Atik sa Dakbayan sa Naga ug Badjiao Community sa Barangay Mambaling sa Syudad sa Sugbo.

Base sa desisyon sa konseho napamatud-an nga adunay kasaypanan si Manayaga nga oppression ug abuse of authority. Apan si Manayaga nihimakak sa maong pasangil.

Matud pa niya nga ang yuta nga gilalisan giila nga timberland nga way bisan kinsa ang makapatitulo niini.

Apan sa ilang habig nga sila ang nagtikad ug dugay na nga namuyo busa nagtukod sila og kapunongan nga maoy advice sa taga DENR aron sila ang mahatagan og katungod sa yuta. (BANAT NEWS)