Abogado gipusil patay

CEBU, Philippines — Usa ka abogado ang gipusil patay atubangan sa iyang opisina nga nahimutang diha sa Alchi Building, J. Panes St. Brgy. Kasambagan sa Dakbayan sa Sugbo kagahapon sa hapon.

Giila ang abogado nga si Atty. Joey Luis Wee, 51. Samtang duha ka wala mailhing mamumuno ang gitumbok nga mipusil sa biktima.

“The building’s gate was open when he disembarked from his vehicle. As he was climbing up the stairs to his office on the second floor, two men rushed and one of them, the gunman, shot him twice,” matud pa ni Police Major Dindo Alaras, ang hepe Mabolo Police Station.

Gidala sa tambalanan si Wee apan pipila ka oras ang nilabay nakabsan kini sa kinabuhi.

Ang Integrated Bar of the Philippines - Cebu City nikondenar ni sa nahitabo kang Wee.

“The attempt to take any life will never be tolerated in a civilized society. The brazen attack to our brother in the legal profession is taken as an attack to the whole legal community. We call upon all concerned agencies of government to immediately address this case and see to it that all perpetrators be brought to justice” matod sa IBP - Cebu City Chapter pinaagi sa Presidente niini nga si Atty Regal Oliva.

Ang IBP nanawagan og hustisya alang sa kamatayon sa maong. abogado

Padayon karon nga gisuta sa kapolisan unsay motibo sa pagpatay ug nikuha pa og impormasyon ang kapolisan gikan sa mga saksi sa dihang nahitabo ang krimen. Base sa newspaper archives, si Wee nakahupot og mga high-profile cases apil na niini ang graft case nga nalambigit ang mga kanhi opisyal sa Department of Public Works and Highways sa Central Visayas (DPWH-7) kalabot sa lamp posts alang sa 2007 ASEAN Summit kon diin si Wee maoy defense counsel.

Usa sab siya sa defense counsel sa kasong criminal nga naglambigit sa mga sibilyan nga assets ug mga ahente sa NBI-7 nga nalambigit sa kontrobersyal nga pagpangrakrak sa mga off-duty nga resorts employees sa Lapu-Lapu City niadotng tuig 2002. —Rowena Capistrano/IBM (BANATNEWS)