COVID-19 update: Cebu City nadugangan og 25 bag-ong kaso

CEBU, Philippines — Misaka na sab ang aktibong kaso sa coronavirus disease sa Dakbayan sa Sugbo nunot sa nadugang nga 25 ka bag-ong kaso.

Ang siyudad aduna nasab karoy b 330 ka aktibong kaso base sa uwahing datos nga gipagawas sa Department of Health-Central Visayas niadtong adlaw nga Huwebes Nobyembre 19, 2020.

Nasuta ang total cases sa siyudad sa Sugbo karon naa sa 10,529 samtang ang total recoveries sa 9,517 ug nagpabilin sa 682 ang deaths.

Samtang ang Mandaue ug Lapu-Lapu City dunay 78 ug 117 active cases kada usa.

Ang Mandaue dunay 2,633 total number of cases ang Mandaue City human nakatala sila og 12 ka bag-ong mga kaso samtang ang Lapu-Lapu City dunay 2,566 total number of cases ug nakatala sila og 22 ka bag-ong kaso.

Ang recoveries sa Mandaue ug Lapu-Lapu City nagpabilibn sa 2,391 ug 2,341 ug ilang deaths naa lang gihapon sa 164 sa Mandaue ug 108 sa Lapu-Lapu City.

Sa datos sa DOH-7 ang Central Visayas dunay 23,541 total cases sa COVID-19, 1,191 niini ang active cases ug 20,976 ang recoveries ug 1,374 ang deaths.

Si Mayor Junard Chan sa Lapu-Lapu naguol niining nadugang nga 22 ka bag-ong kaso nga gikan sa napulo ka mga barangay sa dakbayan.

Matud pa nga pito sa nagpositibo gikan  sa Barangay Basak,  tulo sa Barangay Gun-ob, tulo sa Barangay Looc, unom sa Barangay Mactan ug usa sa Barangay Maribago.

Ang maong dili maayong balita nakapabalaka sa mga taga Opon sanglit ang dakbayan  magsaulog man sa tinuig nga pangilin sa Nobiyembre 20-21 ug gipaabot nga modagsa ang daghang mga tawo.

Si Chan mimando nga gidili una karon ang pagdawat og mga bisita nga mamista aron paglikay sa pagkatap sa virus. Wala sad ang mga naandang kalingawan tungod gihapon sa maong rason.— Romeo Limpangog/IBM (BANATNEWS)