Speaker Velasco maoy caretaker sa North District
CEBU, Philippines — Gihangop sa mga opisyal sa Siyudad sa Sugbo ang pagtudlo kang Speaker Lord Allan Velasco isip legislative caretaker sa 1st District sa syudad, human sa pagpanaw ni Rep. Raul Del Mar.
Sa plenary session niadtong Miyerkules giingon ni Deputy Majority Leader Xavier Jesus Romualdo nga ang pagtudlo kang Velasco mao ang hangyo ni Del Mar nga gikomunikar pinaagi sa iyang pamilya ug sa distrito.
Si Mayor Edgardo Labella miingon nga usa kini ka “welcome development.”
“Of course, he will have some consultations with the political leaders from Cebu and we would be willing to share and to make suggestions, and share whatever things we believe that would recount to the people of Cebu, especially Cebu City, because we know for a fact the good Congressman (Del Mar) did a lot for Cebu. I’m sure that the Speaker would continue what the good Congressman had done,” matud ni Labella.
Nagkanayon si Labella nga makigtigum siya kauban ang mga opisyal sa syudad aron ilang mahisgutan ang mga butang nga angay nila ipadangat ngadto sa Speaker.
Si Konsehal Franklyn Ong, ang pangulo sa Association of Barangay Council (ABC) sa siyudad miawhag nga magbutang og point person si Velasco dinhi.
“We still have around 18 months before the election, I just hope that Speaker Lord can assign and delegate an office & a point person in the district for the mean time who understand and can quickly respond to the needs of the 1st district like former Congresswoman Cutie Del Mar,” padayon ni Ong.
Ang 79-anyos nga kongresista mitaliwan Lunes sa gabii sa usa ka hospital sa Manila human sa pipila ka adlaw nga pagka-confine didto.— IBM (BANATNEWS)
- Latest
