Ecstasy drug users nagkadaghan?
CEBU, Philippines — Duha ka mga kawani sa Parks and Playgrounds Commission ang positibo sa drug test ug nasuta nga ang usa kanila positibo sab og ecstasy. Sumala pa sa pangulo sa City Office for Substance Abuse and Prevention (COSAP) nga si Jonah John Rodriguez dili lang positibo sa shabu apan positibo sab kini matud pa sa ecstasy.
Giangkon ni Rodriguez nga naalarma siya tungod kay bisan sa Barangay Mambaling, usa ka loader sab ang nagpositibo sab sa ecstasy nga usa ka high end nga matang sa drugas.
“Kasagaran gyud sa abused ang number gyud shabu man and then wa ko nag-expect diri sa government employee naay ecstasy sad. Even sa barangay unya dili sa pag-unsa mahalon man gud ning ecstasy,” ni Rodriguez pa.
Gipahibawo sab ni Rodriguez nga sa 13 ka drug surrenderee sa Barangay Sapangdaku usa ra ang negative ug ang nabilin pulos positive ug dunay usa nga dili lang sa shabu nag-positive apan apil na sa ecstasy.
Nasayran ang mga drug surrenderee sa dili pa isulod sa community based drug rehabilitation program ipaubos og screening.
Nasayran moabot na sa 13 ka barangay sa Cebu City ang napaubos sa COSAP sa drug test samtang 21 na sab ka mga buhatan sa Cebu City Government ang napahigayunan na nila og drug test diin 31 na ka mga kawani ang nagpositibo sa ginadiling drugas.
Ang mga buhatan sa Cebu City Government nga dunay nagpositibo gilangkuban sa DVMF, Market Operations Division, SRP Management, PROBE, CCDRRMO, bag-ong nadawat nga kawani sa CTO ug Local School Board. —IBM (BANATNEWS)
- Latest
