"No plastic days" ipatuman sa naga
CEBU, Philippines — Sugod Enero 2021, ipatuman na sa syudad sa Naga ang "No Plastic Days" o " The Green Days" matag adlaw didto sa maong dakbayan.
Pasabot niini ang tanang food chains, restaurants, supermarkets, kan-anan ug uban pang establisamento nga anaa nahimutang sa syudad sa Naga di na mogamit og plastic.
"(They) shall not dispose of all of their stocks of food and products packages made from plastics, styrofoams and similar non-biodegradable materials and shall replace them with environmentally-friendly materials such as paper plates, paper bags, paper cups, paper board-food packs and other similar boidegradable materials" segun sa ordinansa.
Sukad niadtong Hulyo ning tuiga, matag Lunes, Myerkules, Byernes, Sabado ug Dominggo ang "No Plastic Day".
Ang makalapas sa ordinasa makamulta of dili momenus sa P500 ngadto sa P5, 000 ug community service o di ba kaha mapriso usab ngadto sa unom ka buwan.
Gimando usab ang pag-lahi sa mga basura nga malata ug di malata sa mga panimay ug mga establisamento
Sa laing balita moabot sa 20 ka mga timbangan ang nasakmit sa mga otoridad diha sa may Tabunok Public Market.
Kini human sa tahu nga dunay mga naninda sa merkado nga dili ensakto ang mga timbangan.
Lakip sa reklamo nga gipadangat mao ang dili maayong kalidad sa mga baligya diha sa merkado sa Tabunok. —GabrielC. Bonjoc/MEL (BANATNEWS)
- Latest