Wala gihapoy biyahe sa barko sa Toledo
CEBU, Philippines — Gipahibalo sa kagamhanan sa Dakbayan sa Toledo nga wala gihapoy biyahe sa mga paseheroan nga barko nga nanukad sa ilang pantalan paingon sa Dakbayan sa San Carlos sa Negros Occidental.
Matud ni John Roseller Layan, information officer sa siyudad nga nihimo na usab sila og lapad nga koordinasyon sa kagamhanan sa San Carlos City.
Nasayran nga ang kagamhanan sa Dakbayan sa Toledo maoy niatiman sa kapin sa 50 ka mga locally stranded individual (LSI) ug anam -anam na kini nga nakauli.
Ang nahisgutang mga LSI gipapuyo nila kini sa usa sa ilang complex ug sila usab ang nagpakaon niini.
Gipaniguro usab sa siyudad nga mapatuman ang health protocols sa pag-atiman sa mga LSI.
Ang kagamhanan sa Dakbayan sa Toledo nipahimangno sa katawhan nga mobiyahe paingon sa Negros diin anha manukad sa pantalan sa siyudad nga dili lang una mohinayak aron dili matanggong. —BDB (BANATNEWS)
- Latest
