Road clearing operation gibalik na sa Mandaue

CEBU, Philippines — Gibalik na sa kagamhanan  sa Dakbayan  sa Mandaue pagpatuman ang road clearing operation pinaagi sa paghawan sa mga nakaali sa kadalanan sa dakbayan.

Si  Edwin  Jumao-as nga maoy nangulo sa Mandaue City Enforcement Unit (MCEU)  miingon nga ang 27 ka barangay  sa dakbayan sa Mandaue ilang gihatagan og lain laing adlaw nga schedule sa pagahimoon nilang operasyon.

Matud pa niya nga naglakip niini ang Barangay Maguikay nga maoy ilang unahon sa paghawan ang mga estraktura nga nakahimo og obstruction o nakababag sa kadalanan.

Gitataw niya nga gikinahanglan gyud nga mangunay ang mga opisyal sa barangay tungod kay gitugyan man ngadto kanila ang maong kaakohan sa paghawan sa mga karsada.

Lakip sa mga barangay nga pahigayonan sa clearing operations mao ang Barangay Looc, Paknaan ug Casuntingan.

Mipahimangno si Jumao-as nga si bisan kinsa nga masakpan og mapakyas sa pagtuman  mga lagda pahamtangan og multa  nga P3,000  alang sa unang kalapasan,ug P5,000 sa ikaduha nga kalapasan.

"Naay final warning,kun inig balik namo, naa pa gihapon, among sakmiton ang butang ibalik human sa tulo ka adlaw kon moadto sa ilang opisina” nagkanayon si Jumao-as. —MEL (BANATNEWS)