Cebu City tulo ray natalang kaso

CEBU, Philippines — Human sa pipila ka adlaw nga misaka ang mga kaso sa Cebu City, ang siyudad nakatala lamang niadtong adlaw nga Lunes og dugang tulo ka mga bag-ong kaso sa Covid-19 sumala pa sa Department of Health bulletin niadtong Nobiyembre 16,2020.

Ang Cebu City duna na karon 10,469 total cases sa COVID-19 ug naa sa 278 ang active cases niini. Duna sab 15 ka pasyente ang nangaayo na apan dunay usa nga namatay.

Samtang ang Mandaue City nakatala og usa ka bag-ong kaso ug dunay lima ka dugang nangaayo.

Sa pikas bahin, ang Lapu-Lapu City nakatala sab og usa ka bag-ong kaso apan duna silay nadugang nga 27 ka pasyenteng nangaayo na sa maong sakit.

Sa datos sa DOH-7 ang Central Visayas duna nay 23,328 total cases sa COVID-19 diin na sa 1,057 ang active cases; 20,899 ang recoveries ug 1,372 ang deaths.

Gawas sa nahisgutang mga siyudad, ang Bohol ug Negros Oriental nakatala sab og tagsa ka bag-ong kaso samtang unom ang sa Probinsya sa Sugbo.

Ang active cases sa Covid-19 sa rehiyon anaa na sa 1, 057 gikan sa kinatibuk-ang 23, 328 kaso niini. Ssamtang ang nangaayo miabot na og 20, 899 human nadugangan anang adlawa og 83. Samtang  1, 372 sab ang namatay. –Decemay Padilla ug Le Phyllis F. Antojado/IBM

Kalibog sa E.O. ni Labella giklaro

Kalibog bahin sa gipagawas ni Cebu City Mayor Edgardo Labella nga Executive Order No. 105 niadtong Lunes sa gabii giklaro nga walay labot niini ang mga taga residente sa silingang lugar sa Sugbo.

Ang maong EO No. 105 sa mayor nag-establisar sa guidelines sa mga biyahidor kun sila mosulod sa siyudad.

Apan tungod sa kadaghan sa mga terminolihiyang gigamit ug daghang mga papeles ug clearances ug medical certificates gikan sa nagkadaiyang ahensiya sa gobiyerno ug mga buhatan nga nagtutok sa pandemiya sa Covid-19 nga gikinahanglang kuhaon sa mga biyahido, nakamugna kini og kalibog ug kabalaka.

Nag-una sa mga nabalaka mao ang mga taga Probinsya sa Sugbo nga nagtrabaho sa Cebu City ug kadtong mga dunay ginagmay nga nagnegosyo nga magbiyahian kada adlaw padung sa siyudad.

Aron wagtangon ang kalibog, si Labella nagpagawas og laing Executive Order No. 105-A kagahapon sa buntag nga nag-amendar sa EO No. 105 ug didto iyang giklaro nga ang una niyang EO No.105 para lang kadto sa mga biyahidor nga dili taga Probinsya sa Sugbo nga mosud pinaagi sa tugpahanan ug mga pantalan. Dili pangitaan og daghang rekisitos ang mga taga silingang LGUs sa dakbayan kun moanhi.

Kinahanglan lang mopakita og valid ID, ug Certificate of Employment sa mga nagtrabaho dinhi sa siyudad. Nanghinaot ang siyudad og pagsabot ug kooperasyon sa katawhan labot sa maong kamanduan. —IBM (BANATNEWS)