LMP-Cebu mohatag og P500 mil nga hinabang sa Cagayan Valley
CEBU, Philippines — Ang League of Municipalities of the Philippines Cebu Chapter gikatakdang mohatag og P500 mil nga hinabang ngadto sa Cagayan Valley nga naapektohan sa bagyong Ulysses.
Si Mayor Christina Frasco sa Lungsod sa Liloan ug presidente sa LMP-Cebu nagkanayon nga nasabotan sa mga mayor gikan sa 44 ka lungsod sa Probinsiya sa Sugbo nga mohatag og P500,000.
Nasayran nga halos tanang kabalayan sa kalungsuran ug siyudad ngadto sa lugar ang nasanapan sa baha tungod sa bagyo.
“We are sending the Php 500,000 in financial assistance as a sign of solidarity with our fellow mayors and our brothers and sisters in Cagayan. During this time of immeasurable suffering, may the Cebuanos’ compassion and empathy for our fellow Filipinos be a beacon of hope that together, we shall rise again”, matud ni Frasco.
Gibutyag ni Frasco nga iyang nahinabi pinaagi sa tawag ang LMP Cagayan president nga si Mayor Vicente Pagurayan sa Lungsod sa Santo Nin?o kalabot sa hinabang sa LMP-Cebu.
Ang League of Mayors sa Cagayan gikatakda nga magtigom aron mabahin sa 28 ka munisipyo ang tabang pinansiyal sa LMP-Cebu. –BDB (BANATNEWS)
- Latest
