Limitadong face to face classes gisuportahan
CEBU, Philippines — Suportado sa League of Municipalities (LMP-Cebu Chapter) ang sugyot sa Department of Education (Dep-Ed7) nga maghimo og limitadong face to face classes sa mga pampublikong tunghaan sa mga isla ug bukirang barangay sa lalawigan sa Sugbo. Si Department of Education (DepEd) 7 Director Dr. Salustiano Jimenez atol sa regular session sa Hunta Probinsyal niadtong Nobiyembre 9, 2020 nagkanayon hinayhinay ang pagpatuman niini ug unahon ang mga hilit ug lagyong barangay nga gamay ra ang populasyon sa mga bata ug sayon ang pagkontrol ug mapatuman og klaro ang social distancing ug ubang health protocols.
“Two days maximum face-to-face per week with 50 percent capacity. So, if let us say there are 20 learners in the class, 10 will be on the first two days, the other two days for another 50 percent and Friday will be the teachers’ preparation,” matud ni Jimenez sa report sa Sugbo News. Ang LMP- Cebu Province nipasar og resolusyon pagsuporta sa maong tinguha sa DepEd.
“The league is not opposed to the prospect of limited face to face classes as proposed by the DepEd provided that the DepEd provides a clear policy, a more concrete execution plan and specific guidelines in order to ensure the health and safety of students, parents, teachers and other stakeholders during its implementation,” sumala sa LMP-Cebu
Gusto nilang sa dili pa kini ipatuman kinahanglan ang DepEd Cebu Province adunay Execution Plan and Guidelines sa pagpatuman niini; adunay clearance ug pagtugot sa gobernador ug sa Inter-Agency Task Force (IATF) ug DepEd Central Office.— IBM (BANATNEWS)
- Latest