Lalake nakuhaan og balor P50 mil nga drugas

CEBU, Philippines — Usa ka 21anyos nga lalaki ang nasikop sa mga operatiba sa Parian Police Station human kini nasakmitan ug illegal nga drugas sa may Barangay Lorega, alas onse sa gabii niadtong Biyernes. Ang nasikop naila nga si Joseph Jayno, taga Basak, Dakbayan sa Lapulapu.

Nangulo sa maong operation mao si Police Major Armando Labora Jr, hepe sa Parian Police Station ug mga ginsakopan niini.

Nasakmit gikan kang Jayno ang mga pinutos sa ginadili nga drugas nga mobalor ug 50mil ka pesos base sa Dangerous Drug Board Value ug buy bust money.

Ang maong dinakpan giingong nagpaabot kini ug dugang supply sa ginadili nga drugas sa usa ka waiting shed apan walay swerte kay police ang nabaligyaan niini sa iyang drugas nga gihuptan. Si Jayno nagtingkagol na karon sa bilangguan ug gipaabot ang pagpasang-at ug tukma nga kaso batok niini. /MEL (BANATNEWS)