Budget sa fireworks display ihinabang; Talisay walay Christmas party

CEBU, Philippines — Ang mga deboto ni Senior Santo Niño wala gihapon kini masaksihan nga fireworks display human sa pasundayag sa traditional Sinulog dance atol sa bisperas sa Pista Senyor sa adlaw nga Sabado sa buwan sa Enero sunod tuig.

Ang Pista Senyor saulogon kini kada ikatulong Domingo sa buwan Enero matag tuig.

Kini ang gitug-an ni Padre Pacifico Nohara Jr. OSA, kanhi prior ug rector sa Basilica Minore del Santo Niño.

Matud ni Nohara nga dili gihapon nila mapatuman ang pagpahigayon sa fireworks display sa sunod tuig tungod kay ang budget alang unta niini ilahang igahin sa pagtabang ngadto sa mga labing nanginahanglan.

Si Nahora nagkanayon nga daghan karon ang naglisod ug nagkinahanglan og tabang tungod sa COVID-19 pandemic.

Ug sulod na sa pipila ka tuig human sa mga dagko nga hitabo nga motumaw ilahang pillion nga ang budget sa fireworks display igahin nila kini og tabang ngadto sa mga labing nanginahanglan.

Sa laing bahin, si Mayor Gerald Anthony “Samsam” Gullas Jr. sa Dakbayan sa Talisay mopatawag og tigom sa opisyales sa mga barangay ug kapolisan aron tukion ang desisyon nga luwatan kalabot sa pagpanaygon ug Christmas party sa kabarangayan ug mga buhatan.

Matud ni Gullas nga sa Talisay City Hall walay ipahigayon nga Christmas party apan kong adunay kalihukan anha lang sa ilang kaugalingon nga buhatan ug walay party nga himuon.— BDB (BANATNEWS)