Cebu City nadugangan og lima ka kaso
Cebu, Philippines — Lima ka mga bag-ong kaso sa coronavirus disease (COVID)-2019 ang natala sa Cebu City niadtong adlaw’ng Lunes kini base sa datos sa Department of Health Central Visayas.
Ang Cebu City karon duna nay 10,308 total cases sa COVID-19 diin 159 ang active cases. Niabot na sab sa 9,469 ang recoveries sa siyudad human kini nakatala og 14 ka dugang nangaayo ug nagpabilin sa 680 ang deaths.
Ang Mandaue City nakatala og usa ka bag-ong kaso sa COVID-19. Naa sa 2,570 ang total cases sa COVID-19 sa siyudad diin 42 ang active cases. Miabot na sab sa 2,365 ang recoveries sa Mandaue City kay nakatala ang siyudad og 17 ka dugang nangaayo ug nagpabilin sa 163 ang deaths.
Samtang ang Lapu-Lapu City nakatala sab og usa ka bag-ong kaso sa COVID-19. Ang dakbayan dunay 2,480 total cases sa virus diin naa sa 60 ang active cases.
Naa sab sa 2,312 ang recoveries sa siyudad sa Lapu-Lapu ug nagpabilin sa 108 ang deaths.
Sa datos sa DOH-7 ang Central Visayas duna nay 22,750 total cases sa COVID-19 diin na sa 844 ang active cases; 20,546 ang recoveries ug 1,360 ang deaths. (BANAT NEWS)
- Latest