23 CH ug brgy workers positibo sa drug test
CEBU, Philippines — Human gibanhaw sa miaging buwan ang random ug surprise drug testing pito na ka mga kawani sa kagamhanan sa siyudad sa Sugbo ug 16 ka mga barangay workers ang nagpositibo sa ilegal nga drugas.
Ang maong kawani gikan sa Cebu City Disaster Risk Reduction Management Office (3), Local School Board (3) ug Cebu City Transportation Office (1).
Samtang ang barangay workers nagagikan sa Sambag 1 (7) , Kalunasan (4) Ermita (2) ug Hipodromo (3). Ang Cebu City Office of Substance Abuse Prevention (COSAP) maoy nipahigayon sa drug testing. Sumala pa sa hepe sa COSAP nga si Jonah John Rodriguez nga ipaubos pa sa confirmatory test ang napositibo sa unang screening.
Sa record sa COSAP, negatibo tanan sa drug testing ang mga empleyado sa Women's/Children's Commission, Bike Lane and Scholarship Offices , Management Information and Computer Services (MICS), Human Resource Development Office (HRDO) , ug Cebu City Environment and Natural Resources Office (CCENRO), ug Barangay T. Padilla.
Kadtong mga nagpositibo gidasig nga moapil sa Out-Patient Rehab nga gitawag og Atong Giyahan Alang sa Kausaban(AGAP) aron dunay intervention nga mabuhat ang COSAP ngadto nila. Decemay P. Padilla/IBM (BANATNEWS)
- Latest
